109

افغانستان میں تین اسکولوں کو دھماکے سے اڑا دیا گیا

افغانستان کے جنوب مشرقی صوبے پکتیا میں نامعلوم مسلح افراد نے تین اسکولوں پر راکٹوں اور بموں سے حملہ کیا ہے۔

کابل سے ہمارے نمائندے نے پکتیا صوبے کی پولیس کے حوالے سے خبردی ہے کہ مسلح افراد نے خواجہ خیل میں ایک انٹرکالج کو راکٹوں سے نشانہ بنایا جبکہ حضرت بلال اورسید جلال بخاری نامی دو انٹرکالجوں کو بم دھماکوں سے اڑا دیا۔

ابھی تک ان حملوں میں ہوئے ممکنہ نقصانات کی اطلاع نہیں مل سکی ہے اور نہ ہی کسی گروہ نے ان حملوں کی ذمہ داری قبول کی ہے۔

یہ ایسی حالت میں ہے کہ افغانستان کی وزارت تعلیم کے ترجمان نے کہا ہے کہ ملک میں جاری بدامنی کی وجہ سے تعلیم کا شعبہ بہت زیادہ متاثر ہورہا ہے۔ ان کا کہنا تھا کہ بدامنی کی وجہ سے افغانستان کے تیس فیصد اسکولوں کی عمارتوں کو نقصان پہنچا ہے۔

اس خبر پر اپنی رائے کا اظہار کریں

اپنا تبصرہ بھیجیں