60

مقدونیہ کا سرکاری نام جمہوری شمالی مقدونیہ رکھ دیا گیا

مقدونیہ کی پارلیمنٹ نے ملک کا نام عوامی جمہوریہ شمالی مقدونیہ رکھنے کے لیے آئین میں ترمیم کی منظوری دے دی۔

تفصیلات کے مطابق مقدونیہ کےاراکین پارلیمنٹ نے کثرت رائے سے ملک کا نام تبدیل کرکے سرکاری نام جمہوری شمالی مقدونیہ رکھنے کی منظوری دے دی۔

دارالحکومت اسکوپیے میں حکومت کی جانب سے نام تبدیلی کی قرار داد پیش کی گئی، ایک سو بیس رکنی پارلیمان میں سے اکیاسی اراکین نے قرارداد کے حق میں ووٹ دیا۔

اپوزیشن جماعتوں کے اراکین نے یونان کے ساتھ معاہدے کی مخالفت کرتے ہوئے ووٹنگ کا بائیکاٹ کردیا۔ قرارداد کی کثرت رائے سےمنظوری کے بعد یونان کا مقدونیہ کے نام سے متعلق ستائیس سالہ تنازع بالاخر حل ہو گیا۔

سرکاری اعلامیے میں کہا گیا ہے کہ حکومت نے تاریخی باب رقم کردیا ہے، اس تنازع کے حل ہو جانے کے بعد نیٹو اور یورپی یونین کی رکنیت ملنے کی امید ہے۔

مقدونیا کے عوام کی ملک کا نام تبدیل کرنے کی حمایت

خیال رہے کہ گزشتہ سال اکتوبر میں مقدونیہ کے عوام نے رائے شماری کے ذریعے متفقہ طور پر اپنے ملک کا نام تبدیل کرنے کے شمالی مقدونیہ رکھنے کی حمایت کی تھی۔

یاد رہے کہ گزشتہ سال جون میں مقدونیہ نام کی تبدیلی یونان کے ساتھ ایک معاہدے کے بعد عمل میں آئی یونان اور مقدونیہ کے درمیان اس نام پر تنازعہ چلا آرہا ہے کیونکہ یونان کے ایک صوبے کا نام بھی مقدونیہ ہے۔

اس خبر پر اپنی رائے کا اظہار کریں

اپنا تبصرہ بھیجیں