156

اسامہ قمر کائرہ نماز جنازہ کی ادائیگی کے بعد سپرد خاک

پیپلز پارٹی پنجاب کے صدر قمر زمان کائرہ کے بیٹے اسامہ قمر اور ان کے دوست حمزہ بٹ کی نماز جنازہ ادا کردی گئی۔

گجرات کے شہر لالہ موسیٰ میں اسامہ قمر کی نماز جنازہ ادا کی گئی جس کے بعد ان کی تدفین آبائی قبرستان نوگزہ میں کی گئی۔

نماز جنازہ میں آصف زرداری، بلاول بھٹو، شیخ رشید، وزیراعظم کے معاون خصوصی یوسف بیگ مرزا، گورنر پنجاب چودھری سرور، وزیراعلیٰ سندھ مراد علی شاہ، سابق وزیراعظم یوسف رضا گیلانی، مشیر خصوصی برائے امور نوجوانان عثمان ڈار اور دیگر سیاسی و سماجی شخصیات نے بڑی تعداد میں شرکت کی۔
یہ بھی پڑھیں: پیپلزپارٹی پنجاب کے صدر قمرزمان کائرہ کا بیٹا کار حادثے میں جاں بحق

واضح رہے کہ گزشتہ روز اسامہ کار حادثے میں جاں بحق ہوگئے تھے۔ گھر سے چند کلومیٹر کے فاصلے پر ان کی کار بے قابو ہو کر درخت سے ٹکراگئی تھی۔

اس خبر پر اپنی رائے کا اظہار کریں

اپنا تبصرہ بھیجیں