13

اسلام آباد میں ویکسینیشن سے متعلق اہم اقدام

وفاقی دارالحکومت اسلام آبادکی نصف آبادی کی جلد ویکسی نیشن کیلئے ہنگامی پلان تیار کر لیا ‏گیا۔

ذرائع کے مطابق اسلام آباد کی نصف آبادی کی ویکسی نیشن کیلئے 2 ماہ کا ہدف مقرر کیا گیا ہے ‏اور ہنگامی ویکسی نیشن پلان پر عملدرآمد کا آغاز ہوگیا ہے۔

اسلام آباد میں نئے ماس، لوکل ویکسی نیشن سینٹرز کےقیام کا فیصلہ ہوا ہے شہر کے نواحی علاقوں ‏میں ویکسی نیشن سینٹرز قائم کئےجائیں گے ویکسی نیشن سینٹرزدیہی،بنیادی مراکزصحت میں قائم ‏کئےجائیں گے۔

اسلام آباد کے سرکاری و نجی اسپتال، مراکز صحت میں19سینٹرز قائم ہیں اور ہنگامی پلان پر ‏عملدرآمد کیلئے نئے ویکسی نیٹرز کی بھرتیاں مکمل کر لی گئی ہیں۔ اسلام آباد میں100ویکسی ‏نیٹرز کو 2 ماہ کیلئےبھرتی کیاگیاہے، عارضی طور پر بھرتی ویکسی نیٹر کو ماہانہ 45 ہزار تنخواہ دی ‏جائےگی، عارضی بھرتی ویکسی نیٹرز نئے سینٹرزمیں تعینات کئےجائیں گے۔

اسلام آباد میں 2 نئے ماس ویکسی نیشن سینٹر کے قیام کافیصلہ بھی کیا گیا ہے۔ ماس ویکسی ‏نیشن سینٹرزایف نائن،کنونشن سینٹرمیں قائم ہوں گے، ایف نائن ماس ویکسی نیشن سینٹررواں ‏ہفتےفعال ہوجائےگا جب کہ کنونشن ماس ویکسی نیشن سینٹرآئندہ ہفتے فعال ہونےکا امکان ہے۔

کنونشن ماس سینٹر میں یومیہ10ہزار افراد کی ویکسی نیشن ہوسکےگی، اسلام آباد میں 2لاکھ10ہزار ‏سے زائدافراد کی ویکسی نیشن ہوسکی ہے۔

اس خبر پر اپنی رائے کا اظہار کریں

اپنا تبصرہ بھیجیں