کراچی : سندھ نے پاورپلانٹ سے آکسیجن تیار کرلی ، جامشور پاور کمپنی کے ساتھ آکسیجن کی پیداوار کا کامیاب تجربہ کیا ، سندھ واحد صوبہ ہے جو پاور پلانٹ سے تیار آکسیجن اسپتالوں کو فراہم کرے گا۔
تفصیلات کے مطابق وزیراعلیٰ سندھ مراد علی شاہ کی زیرصدارت آکسیجن پیداوار بڑھانے کےحوالے سے اجلاس ہوا ، جس میں بریفنگ دیتے ہوئے بتایا گیا کہ جامشوروپاورپلانٹ سے آکسیجن تیارکی جارہی ہے ، آکسیجن کی تیاری اورٹیسٹنگ کےتمام مراحل مکمل ہوچکےہیں ۔
وزیراعلیٰ سندھ نے کہا کہ دیگر پاور کمپنیاں آکسیجن بناکر ہیلتھ کیئرضروریات پوری کر سکتی ہیں جبکہ پاورکمپنیاں آکسیجن الیکٹرولیسز کے عمل سے تیار کر سکتی ہیں، جامشورو پاور کمپنی لمیٹڈ کےساتھ آکسیجن کی پیداوار کا کامیاب تجربہ کیا۔
،مرادعلی شاہ کا کہنا تھا کہ پاورکمپنی میں پیداکی گئی آکسیجن کاپی سی ایس آئی آرنےٹیسٹ کیا ، پی سی ایس آئی آرنےرپورٹ میں آکسیجن میڈیکل استعمال کیلئےمناسب قراردی ، آکسیجن کی پیداوار کو سپورٹ کریں گے۔
یاد رہے کہ چند روز قبل جامشوروتھرمل پلانٹ میں ہائیڈروجن سے آکسیجن بنانے کا کامیاب تجربہ کیا گیا تھا ، اس حوالے سے جامشورو تھرمل پاور پلانٹ کے چیف ایگزیکٹو آفیسر تنویر احمد کا کہنا تھا کہ اس کامیاب تجربے کے لیے پاک فوج اور ضلعی انتظامیہ کی معاونت رہی ، یہاں روزانہ 385 کلو گرام یا 60 سلنڈرز آکسیجن تیار ہو سکتی ہے اور تیار اکسیجن کے 60 سلنڈر ہر روزا سپتالوں کو طبی استعمال کے لیے فراہم کیے جاسکتے ہیں۔
