16

مولانا فضل الرحمان ایک بار پھر حکومت مخالف تحریک کیلئے متحرک

اسلام آباد: پی ڈی ایم سربراہ مولانا فضل الرحمان نے قائد حزب اختلاف شہباز شریف سے ٹیلیفونک رابطہ کیا ہے اور حکومت مخالف اتحاد سے متعلق اہم مشاورت کرلی گئی ہے۔

ذرائع کے مطابق مولانا فضل الرحمان نے قائد حزب اختلاف شہباز شریف سے ٹیلیفونک رابطہ کیا، دونوں رہنماؤں کے درمیان ٹیلیفونک گفتگو میں ملکی سیاسی صورتحال پر مشاورت کی گئی، اس موقع پر دونوں رہنماؤں نے ایک دوسرے کو عید پر مبارک باد دی اور نیک خواہشات کا اظہار کیا۔

ذرائع کے مطابق پی ڈی ایم کے سربراہ مولانا فضل الرحمان حکومت مخالف تحریک کیلئے ایک بار پھر متحرک ہوگئے ہیں، ٹیلی فونک گفتگو میں دونوں رہنماؤں کے درمیان مئی کے اختتام پر پی ڈی ایم سربراہی اجلاس بلانے پر اتفاق کیا ہے۔

ذرائع کا کہنا تھا کہ فضل الرحمان جلد دیگر جماعتوں کےسربراہان سے رابطوں کےبعد تاریخ کااعلان کرینگے۔

یاد رہے کہ اپوزیشن اتحاد پی ڈی ایم کی سربراہی مولانا فضل الرحمان کررہے ہیں، اسمبلیوں سے استعفوں کے حوالے سے اختلافات کے بعد پیپلز پارٹی اور عوامی نیشنل پارٹی نے اس اتحاد میں اپنے عہدے چھوڑ چکے ہیں۔

اس خبر پر اپنی رائے کا اظہار کریں

اپنا تبصرہ بھیجیں