17

پاکستان کے خلاف ویسٹ انڈیز کے 18 رکنی اسکواڈ کا اعلان

جمیکا: پاکستان کے خلاف ٹی ٹوینٹی سیریز کے لیے ویسٹ انڈیز نے 18 رکنی اسکواڈ کا اعلان کردیا۔

تفصیلات کے مطابق پاکستان کے خلاف ٹی ٹوینٹی سیریز کے لیے ویسٹ انڈیز کے 18 رکنی اسکواڈ میں تجربہ کار کھلاڑیوں کی واپسی ہوئی ہے۔

جنوبی افریقہ اور آسٹریلیا کے خلاف بھی ویسٹ انڈیز اسی ٹیم کے ساتھ میدان میں اترے گی۔

ویسٹ انڈین ٹیم کی قیادت کیرون پولارڈ کریں گے، شیلڈن کوٹرئیل ، شیمرون ہیٹمائر، اوشین تھومس کی بھی اسکواڈ میں واپسی ہوئی ہے۔

کرس گیل، نکولس پورن، فیبین ایلن، ڈوئین براوو، فیڈل ایڈورزڈ کو بھی اسکواڈ میں شامل کیا گیا ہے۔

اوپنر آندرے فلیچر، جیسن ہولڈر، اکیل حسین، ایون لیوس، اوبیڈ مکوئے، سمنز اور ہیڈن والش جونیئر بھی اسکواڈ کا حصہ ہیں۔

ویسٹ انڈیز کے ہیڈ کوچ فل سمنز کا کہنا ہے کہ ٹی ٹوینٹی ورلڈ کپ سے قبل یہ سیریز ٹیم کے لیے بہت اہم ہے۔

گزشتہ دنوں پاکستان کرکٹ بورڈ نےقومی کرکٹ ٹیم کے دورہ ویسٹ انڈیز کے شیڈول جاری کیا تھا۔ پاکستانی ٹیم 21 جولائی سے24 اگست تک ویسٹ انڈیز کا دورہ کرے گی۔

پی سی بی کے جاری کردہ شیڈول کے مطابق مذکورہ دورے میں5 ٹی ٹونٹی میچز اور دو ٹیسٹ میچز کھیلے جائیں گے، سیریز میں ایک ٹیسٹ کم کرکے دو ٹی ٹونٹی میچز بڑھا دیئے گئے۔

دونوں ٹیموں کے درمیان 5ٹی 20میچز دو وینیوز باربا ڈوس اور گیانا میں کھیلے جائیں گے، ٹی 20میچز27اور 28 جولائی کو بار باڈوس میں ہوں گے۔

ٹی20میچز31جو لائی، یکم اور 3اگست کو ٹی 20میچز گیانا میں کھیلے جائیں گے، اس کے علاوہ ٹیسٹ سیریز سے قبل 2روزہ پریکٹس میچ بھی گیانا میں ہوگا، جمیکا میں پہلا ٹیسٹ12اور دوسرا ٹیسٹ20اگست سے شروع ہوگا۔

اس خبر پر اپنی رائے کا اظہار کریں

اپنا تبصرہ بھیجیں